Sayang Sabah Facebook

Likes
Sayang Sabah Twitter

11,654

Followers

Sayang Sabah - Portal Berita Negeri Kita

Kuut: Panglima Sulu pinili miampai aiso nunu-nunu kuasa

10:55pm 11/04/2016 Maryann 3 views Abal Kinoyonon,Berita Pilihan,Kinoyonon,Kota Kinabalu

mahkamah
KOTA KINABALU: Songulun natandasan tulun Polipin id suang bisara kiis ponoruangan Lahad Datu minoposunud do Kuut Takawas do hiti tadau baino do amu isio nonuan do nunu-nunu nopo kuasa sabaagi panglima Sulu id iso kampung id Semporna.

Al Wazir Osman, 61, minoboros do pinili id ningkokoton dilo di tulun nointutunan sabaagi Sultan Sulu, Esmail Kiram di itoun 2008, om amu isido minapapanau tonggungan montok mongurus mogigion Suluk id Kampung Selamat.

“Songulun panglima nopo nga moobi toi ko momuruan mogigion Suluk. Iyolo (kosultanan Sulu) minomili doho (sabaagi panglima) miampai aiso nunu-nunu kuasa.

“Iyolo ih pinili sabaagi panglima mongurus do mogigion Suluk montok maganu karaja om dokumen kointutunan, ka dii Al Wazir id suanb boros Suluk om pinadalin do padalin kuut.

Monungolig isido tinan sondiri kumaa titondos nosiliu puru tinimungan tulun taraat om minopoindalan sangod kumaa dii Yang di-Pertuan Agong mamaso ponoruangan kisindata id Kampung Tanduo Lahad Datu toun 2013.

Al Wazir minomisunud do kuut, pogulu pomilian disio, nokoruba isio dii Esmail om tadi dii Esmail, Datu Agbimuddin, id Semporna toun 2007.

Ka disio, duo miadi-adi dilo id Semporna montok miboboros karait koporintaan Malaysia om nakasaga yolo do tulun Polipin id Malaysia tumanud id siriba pomorintaan do Malaysia. – BERNAMA

Apa Komen dan Pendapat Anda

Artikel Berkaitan