Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Kuut: Natandasan minopokito surat ‘Kesultanan Sulu’ kumaa pulis

8:21pm 08/03/2016 Maryann 1 views Abal Kinoyonon,Jenayah,Kinoyonon,Kota Kinabalu

tanduo-1-600x366-1-600x366
KOTA KINABALU: Kuut Takawas do hiti di baino sinunudan do songulun natandasan id suang kiis ponoruangan Lahad Datu minopokito kumaa pulis piro-piro surat di pagait nunu ih nointutunan sabaagi ‘Kesultanan Sulu’.

Saksi, Bakrin Hadil, 33, songulun tinaru Polipin, id kointalangan dau minoboros do, tabangon dau, Timhar Hadil, ih tinandasan tinanud iso tinimungan panganas, minanahak kointalangan tosorisid karait surat dilo kumaa pulis maya songulun kusai molohing ih nointutunan sabaagi ‘Pak Imam’.

“Surat toi ko dokumen di pinokito kumaa pulis dilo nopo nga naramit dii Timhar mantad (sultan) Muedzul Lail (Kiram).

“Timhar amu kopio koilo boros Malaysia. Sabap dilo, pinokianu disio ih Pak imam momisunud do pulis karait Kesultanan Sulu,” ka disio id boros Melayu kinoyonon.

Sumimbar do ponguhatan kumoduo mamadawa tagayo Datuk Jamil Aripin mamaso pomorisaan ponimbar, Bakrin minoboros do soira nokoilo ddo isido om ih tabangon dau ihumon do pulis, sinunudann disio ih ‘Pak Imam’ id Kampung Binua – kampung tionon dau karait dau om ‘Pak Imam’ miampai sukarela minonguhup diolo id iso pinirubaan miampai pulis.

Kusai dilo minomisunud do kuut, rinomut disio songulun puru CID Lahad Datu, Sarjan Yusof Pantrin, montok mongoi ruba id iso restoran id Lahad Datu jam 10 kosuabon tadau ko-18 tulan Koduo 2013.

Minoboros ih sasi dilo do nigitan nogi disio tapa dau, Habil Suhaili, ih nogi natandasan tinanud tinimungan panganas.

Ka disio soira id restoran dilo solinaid 10 minit, isido, tabangon om tapa dau miampai di ‘Pak Imam’, ginakom.

Minoboros ih Bakrin do, mangan diso pointutuno ih Timhar kumaa dii Yusof mooi tabangon dau dilo kaanu monguhup do pulis mongintip karaja tulun taraat id Lahad Datu miagal di pinapanau disio (Bakrin). – BERNAMA

Apa Komen dan Pendapat Anda

Artikel Berkaitan