Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kuut: Boyoon monoruang Lahad Datu manu sumiliu ‘Sultan Sabah’

tanduo-1-600x366
KOTA KINABALU: Kuut Takawas do hiti di baino sinunudan do boyoon monoruang Lahad Datu, Datu Agbimuddin Kiram manu sumiliu ‘Sultan Sabah’ sokiro nunu ih nointutunan sabaagi kesultanan Sulu kaanu mokianu pogun diti mantad Malaysia.

Tulun Polipin, Salib Akhmad Emali, 63, ih binisara id suang kiis ponoruangan toun 2013 dilo minoboros do ih Agbimuddin insaru mitogod di tabangon dau Esmail Kiram, karait kopokionuan kumaa Sabah.

“Nokorongou oku noh ngaran (Agbimuddin). Tulun nga haro mimboros ahal disio. Kalapas hiti oku kuut, koilaaii ku nogi isai isido,” ka disio id boros Suluk, ih pinadalin do papadalin boros kuut.

Salib Akhmad monungolig tinan sondiri kumaa titondos tinanud iso tinimungan taraat om minapapanau sangod kumaa dii Yang di-Pertuan Agong id suang ponoruangan kisindata Kampung Tanduo, Lahad Datu.

Monimbar kumaa ponguhatan Kumoduo Mamadawa Tagayo Datuk Jamil Aripin id pomorisaan sumuli, ih natandasan minoboros do amu isido insan nakaampai karaja mogihum do puru montok Royal Sulu Force (Susumangod Diraja Sulu) id Sabah sabaagi porsodiaan do monguasai pogun diti sokiro rundingan karait tuntutan dilo amu agampot.

Minoboros nogi ih Salib Akhmad do amu isio insan nokotutun tulun suai di roitan sabaagi Sultan Sulu, suai koi h Esmail, ih norubaan disio toun 2012.

Soginumu 13 rayat Polipin om songulun tulun kinoyonon monungolig tinan sondiri id toguang Hakim Stephen Chung id Koupisan Tolungku Sabah do hiti kuma mogisuai-suai titondos ih dinawa winonsoi diolo id pialatan tadau ko-12 tulan Koduo om ko-10 tulan Kaapat 2013. – BERNAMA

Komen


Berita Berkaitan