Sayang Sabah Facebook

Likes
Sayang Sabah Twitter

11,823

Followers

Sayang Sabah - Portal Berita Negeri Kita

Kusai kinoyonon nagakom sabap minagahau

10:48pm 07/03/2016 Maryann 0 views Abal Kinoyonon,Kinoyonon,Kota Kinabalu

suspek samun

KOTA KINABALU: Songulun kusai kinoyonon i haro walu rekod kasalaan tawagat nakatalib tinahan sabap noilaan minagahau iso paganakan id Taman Ulia, Menggatal, di Tadau Kolimo nakatalib.

Kusai kiumur 31 toun dilo tinahan id iso walai id Kampung Padas, Menggatal, lobi kurang jam ko-2 minsosodop songkonihab asil pinonugkuan iso tinimungan puru pulis mantad Longkod Upis Pulis Bandaraya om Longkod Upis Pulis Kontinjen Sabah.

“Pinoniisan sobu kumaa di natandasan noilaan do minangakan dadah,” ka di Luguan Koupisan Koponoriukan Kasalaan Tawagat Sabah Datuk Salehhudin Abdul Rahman kuminaa magaganu habal do hiti di baino.

Tumanud di Salehhudin kinapanahanan dino nokoowit kumaa kinasamanan barang di nagamu kaampai no iso padsakaian apat tayar mingkakai miampai mogisuai suai barang kigatang i pikikiro RM85,000.

Ka disido kusai dilo tinahan daamot apat tadau om soriukon id siriba Seksyen 394 Kanun Koponindualan i mogowit ukum tolungku gisom 20 toun om oontok do papasut om danda.

Tumanud di Salehhudin ontok minangahau lobi kurang jam ko 6.45 minsosodopon, i natandasan kisandata iso pais minogotuk walai di minggui om turus sunusut suminuang soira noukab o wayaan do songulun koonduan kiumur 27 toun.

Ontok kinantakan, sawo di koonduan i kiumur 30an om tanak kusai diolo kiumur onom toun nga id suang walai dino.

Sundung i do ingkaa, ka di Salehhudin puru paganakan dilo amu kinagasan nga munggui koonduan dilo nosindualan tokuri id longon miniuhod songulun di natandasan suminuang walai diolo. – BERNAMA

Apa Komen dan Pendapat Anda

Artikel Berkaitan