Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kusai, tondu kikotumbayaan kaampai judi online, tinahan

penipuan

KENINGAU – Tinahan do pulis songulun kusai om tondu kikotumbayaan nakaampai id karaja mamain judi momoguno misin judi `tablet online’ id iso kadai pongindopuan id Kampung Senagang, somok hiti pikikiro pukul 2.15 sosodopon konihab.

Boyoon Pulis Watas, Deputi Superintenden Douglas Nyeging Taong minoboros do mantad kointalangan tulun ginumuan, sontinumungan pulis minonoruang kinoyonon dilo om koduo-duo diolo tinahan id suang kadai pongindopuan nokomoi.

“Id ponoruangan dilo, puru pulis minangahau piro-piro kakamot om tusin ih kikotumbayaan gunaon montok karaja main judi, ilo nopo nga tolu tinan tablet, iso talipaun tiigiton, panaas talipaun, duo buuk, kalkulator, pen om pianan do tusin kisuang RM150.

“Ponoriukan potilombus papanahon montok mongintutun isai kopio dalang ih nakaampai id karaja diti,” ka disio.

Koduo-duo diolo soriukon tumanud Seksyen 4B (a) Akta Rumah Judi Terbuka (ARJT) 1953. Sokiro oilaan kasala, aanu ontokon danda amu okurang RM10,000 om amu katalib RM100,000 montok toiso-iso misin judi ih naahau om tolungku amu katalib limo toun. – Dii Kalawon Sawing / SayangSabah

Komen


Berita Berkaitan