Sayang Sabah Facebook

Likes
Sayang Sabah Twitter

11,810

Followers

Sayang Sabah - Portal Berita Negeri Kita

Kusai tinolungku om soputon momoguno kad kredit tulun suai

12:31am 17/03/2016 Maryann 0 views Abal Kinoyonon,Kinoyonon,Kota Kinabalu

mahkamah 2
KOTA KINABALU: Songulun kusai tinolungku soginumu 48 tulan do Kuut Majistret, do hiti di konihab sabap tolu titondos momoguno kad kredit tulun suai montok kogunoon sondiri.

Majistret Stephanie Sherron Abbie mionuhu mooi ih natandasan soputon ingonom.

Ih natandasan Md Zul Azhrin Yusof, 24 mangakun nakasala momoguno kad kredit Maybank Islamic sinanganu songulun tondu montok momoli kakamot soginumu RM3,176 id City Parade, Centre Point, do hiti jam 1.30 sosodopon di tadau ko-13 tulan Koiso nakatalib.

Montok titondos koduo, ih natandasan momoguno kad kredit dilo montok momoli babarang soginumu RM1,069 id Leslie Mobile, City Parade, Centre Point, jam 3.08 sosodopon, ko-15 tulan koiso nakatalib om titondos kotolu, ih natandasan momoguno kad kridit dilo montok momoli RM862 id Leslie Mobile, City Parade, Centre Point, jam 11.10 kosuabon, ko-17 tulan Koiso nakatalib.

Sabap dilo ih natandasan hinukum id siriba Seksyen 403 Kanun Keseksaan. – SayangSabah

Apa Komen dan Pendapat Anda

Artikel Berkaitan