Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kusai tinahan karait kiis tondu pobulagoi i nabantalan id suang parit

lelaki ditahan

KOTA KINABALU: Pulis minanahan songulun kusai kinoyonon kiumur 20-am karait kiis tondu pobulagoi i nabantalan id suang parit poinsomok do Restoran Dowish, Jalan Bundusan Penampang, songkonihab.

Boyoon Pulis Watas Penampang Rosley Honden minoboros do i natandasan tinahan pikikiro jam 10.36 kosuabon id somok do pagandadan do bas Jalan Bundusan, Penampang.

“Ih natandasan songulun kusai kinoyonon tinahan montok monguhup ponoriukan, kikotumbayaan isido haro piromutan miampai di mungui,” ka disio soira rinuba maganu habar id kopotimpuunan Kimpin Ops Selamat Tujuh kopihondot Aidilfitri do hiti.

Ka disio mantad poniisan do sobu, noilaan do i natandasan negatif mantad kasalaan dadah.

Daamot dilo ka disio, id mamaso diti mungui kakal amu kaanu manahak kointalangan tosorisid sasabap noindamaan nororosi id kinaantakan notoguang disio.

“Andadon tokou po kointalangan mantad mungui,” ka disio.

Tumanud di Rosli, Hospital Queen Elizabeth minangakun do munggui haro bagas nolonitan id tulu, mato suai ko sarangan seksual.

“Sabap dilo, kiis diti pinosuang tokou sabaagi kiis rogol tumanud Seksyen 376 Kanun Keseksaan toi ko Seksyen 326 Kanun Keseksaan.

Ka disio, munggui songulun kinoyonon pakaraja id kadai Jalan Bundusan kikotumbayaan pinataam id suang parit pikikiro jam 9 kosuabon pogulu nabantalan do tulun ginumuan di pitangaadau. – Bernama

Komen


Berita Berkaitan