Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kusai songkosuaian minamatai tanak om minonobok do sawo

keningau
KENINGAU: Songulun kusai songkosuaian tinahan do pulis kalapas minamatai tanak dau kiumur 8 toun om minonobok do sawo dau id iso walai aiso numbur Kilometer 75 Ralan Nabawan, do hiti di tadau Kotolu nakatalib.

Id suang kinaantakan jam 2 minsusuab dilo, Rojas Jonvin, nabantalan napatai id kowowoyoon poingloub miampai bagas notogu id tinan dau om sawo di natandasan Edwena Doca, 49, do babaino ubatan id Walai Pongubatan Keningau sabap nosindualan id tian kikotumbayaan tinobok.

Kikotumbayaan do pogulu naantakan kinaantakan dilo, ih natandasan minitogod di sawo dau kalapas minokianu ih sawo dau do tusin montok balanja dapur.

Boyoon Pulis Watas Keningau, Deputi Superintendan Douglas Taong, minoboros do mantad kointalangan di naramit, iso tinimungan pulis minooi id tampat kinaantakan om nakaanu minanahan di natandasan ih mumbal mogidu.

Kiis dilo soirukon id siriba Seksyen 302 Kanun Keseksaan. – SayangSabah

Komen


Berita Berkaitan