Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kusai potikid om manganu dadah, dinawa id kuut

mahkamah-2-600x355
KOTA KINABALU: Songulun mogogonsok pinotoguang id Kuut Majistret, do hiti di baino sabap titondos potikid om manganu do dadah.

Poingkuro po Majistret Cindy Mc Juce Balitus amu minaganu kookunan mantad di natandasan, Noel Harry Hungan, 27.

Montok kasalan kumoiso, ih natandasan dinawa potikid do dadah Kanabis kiwinagat 3,974 gram (g) id kargo Air Asia, jam 10.45 kosuabon, ontok tadau ko-11 tulan Kolimo nakatalib.

Titondos koduo, dinawa potikid do 2,972 g dadah Kanabis id kinoyonon Tupis Pos, do hiti jam 5.40 sosodopon tadau ko-10 tulan Kolimo nakatalib.

Sabap dilo kotoguang ih natandasan do ukuman gantung mandatori id siriba Seksyen 39B (1)(a) Akta Dadah Koligogon 1952 om aanu nogi ukumon id siriba Seksyen 39B (2) Akta di miagal.

Montok titondos kotolu, dinawa id siriba Seksyen 15(1)(a) Akta Dadah Koligogon 1952 sabap maganu do dadah.

Kuut minapatatap tadau ko-21 om ko-28 tulan Koonom abantalan montok ponugutan do kiis daamot magandad ruputan kimia. – SayangSabah

Komen


Berita Berkaitan