Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kusai poopi mogisuai-suai sindata tinahan do pulis

Douglas Taong mintong sinapang tongus ih naahau miampai duo padang samurai om siam karis mantad di natandasan. - foto Kalawon Sawing
Douglas Taong mintong sinapang tongus ih naahau miampai duo padang samurai om siam karis mantad di natandasan. – foto Kalawon Sawing

KENINGAU – Tinahan do pulis songulun kusai kinoyonon sabap kikotumbayaan poopi sinapang tongus om noilaan positif dadah syabu id ponugkuan iso walai id Kampung Mestika, Sook, somok hiti do kosodop.
Boyoon Pulis Watas Deputi Superitendan Polis, Douglas Taong minoboros do, asil pomorisaan id suang walai di natandasan, nabantalan nogi pulis o iso piluru BB, duo padang samurai om siam koris pinoopi id toodopon di natandasan.
“Toinsanan barang di naahau tinangayan kumaa id Longkod Tupis Pulis Watas (IPD) Keningau montok ponoriukan om laang potilombus,” ka disio kumaa maganu habar.
Ka disio, ih natandasan tahanon daamot montok soriukon tumanud Seksyen 8 Akta Senjata 1960.
Id kiis do suai, minoboros ih Douglas berkata, songulun kusai songkosuaian kiumur 36 toun tinahan id Ops Tapis id kawasan Kilang Kosinar Batu 28, Jalan Sook – Keningau pikikiro jam 8.40 kosuabon, konihab.
Ka disio, ih natandasan kikotumbayaan modidikot songkosuaian aiso kasagaan (PATI).
Mantad pomorisaan, nabantalan do pulis turu linopot polositik kisuang dadah syabu miampai winagat pikikiro 10.0 gram. – Dii Kalawon Sawing / SayangSabah

Komen


Berita Berkaitan