Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kusai nolohing noiduan ginawo tinohuban do jip

POLIS-600x324-600x324
TAWAU: Songulun kusai nolohing kiumur 69 toun noiduan ginawo kalapas notohuban iso korita mamaso mamanau gakod id Jalan Merotai, poinsomok do masjid Kampung Merotai Besar pikikiro jam 5.40 kosuabon konihab.

Boyoon Pulis Watas Tawau, ACP Fadil Marsus minoboros do mungui nointutunan sabaagi Beddu Lenre pinoruput noiduan ginawo mamaso ubatan id walai kolidasan Tawau.

Tumanud disio, koligaganan dilo naantakan soira songulun papanau korita kiumur 42 toun id tinadalanon mongoi karaja id Ladang Dumpas mantad Kampung Pasir Putih nokopuriman haro notuguan.

Papanau korita dilo minooi paatod di mungui kuminaa Kolinik Kolidasan Merotai pogulu pinorujuk puru kolinik kuminaa Walai Pongubatan Tawau montok pongubatan potilombus.

Kiis diti soriukon tumanud Seksyen 41 (1) Akta Padsakaian Talun Alun 1987. – Sayangsabah

Komen


Berita Berkaitan