Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kusai natandasan minanakau lori tinahan do pulis

Gambar toomod
Gambar toomod

KENINGAU – Songulun kusai ih minanakau iso lori Toyota Dyna, naratu om nosindualan soira mumbal minogidu.

Boyoon Pulis Watas Deputi Superitendan, Douglas Taong minoboros do, natahan do pulis kusai nokomoi soira nakaramit ruputan mantad sanganu lori dilo pikikiro jam ko-5 kosuabon songkonihab.

Ka disio, mantad ponoriukan tosopung, noilaan do puru pulis, ih minoporuput nopo nga sanganu do lori nokomoi, nakaanu pamalahawan mantad songulun kukumaraja dau minoboros do napanakau tulun o lori Toyota Dyna, sinanganu kumponi dau.

“Ih minongumpulin sondiri minooi pogihum om nabantalan disio lori dau id Kakadaian Keningau. Ginusa disio o lori dilo momoguno korita sondiri om soira nokorikot id kakadaian, ih minanakau sinoliwan mantad lori om mumbal do mogidu nga nakatahub id toguang korita di sanganu lori,” ka disio.

Kalapas dii, ih sanganu lori, minooi ruput kumaa pulis montok mokianu ponguhupan om ih natandasan tinangkap do pulis miampai lori di pinanakau dau.

Kiis dilo mangan soriuko tumanud Seksyen 379 A Kanun Keseksaaan ih kopogowit ukuman tolungku amu okuri mantad sontoun om amu kolobi turu toun, sokiro oilaan nakasala. – Dii Kalawon Sawing / SayangSabah

Komen


Berita Berkaitan