Sayang Sabah Facebook

Likes
Sayang Sabah Twitter

11,792

Followers

Sayang Sabah - Portal Berita Negeri Kita

Kusai mongolim pokoruol sawo dau

12:06am 21/01/2016 Maryann 0 views Abal Kinoyonon,Kinoyonon,Kota Kinabalu

mahkamah-2-600x355
KOTA KINABALU: Songulun kusai kinoyonon mangakun amu nakasala id Kuut Majistret, do hiti montok duo titondos mogowit kinosindualan om monompuronok di sawo dau momoguno tandus.

Montok titondos koiso, James Joji, 50 dinawa minapasabap kinosindualan di sawo dau jaam 5 sosodopon id walai aiso numbur, Kampung Duvanson, Putatan tadau ko-3 tulan Koiso nakatalib.

Montok titondos dilo, ih natandasan dinawa id siriba Seksyen 323 Kanun Keseksaan om poontok hukuman tolungku gisom sontoun toi ko danda amu katalib RM2,000 toi ko koduo duo sokiro oilaan nakasala.

Montok titondos koduo, James dinawa minopoboros koponompuronok miampai minapaakang do tandus kumaa sawo dau om minoboros do “saya cucuk kau dan kasih mati kamu semua” ih mogowit kinorosian di mungui.

Ih natandasan dinawa id siriba Seksyen 506 Kanun Keseksaan ih mogowit hukuman tolungku gisom turu toun toi ko danda toi ko koduo-duo dau.

Majistret Jessica Ombou Kakayun minapagabas di natandasan miampai jominann RM2,000 miampai duo tulun mamajamin kinoyonon om kiis dilo suguton kawagu tadau ko-4 tulan Kotolu abantalan. – Dii Elezebeth Esther/ SayangSabah

Apa Komen dan Pendapat Anda

Artikel Berkaitan