Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kusai kinoyonon dinanda haro pasport pilasu

mahkamah
KOTA KINABALU: Songulun kusai kinoyonon dinanda soginumu RM17,000 toi ko 17 tulan tolungku do Kuut Sesyen, do hiti di konihab sabap titondos haro pasport pilasu om duo titondos haro pasport tulun suai.

Montok titondos koiso, Osman Aman, 48, minangakun nakasala id toguang di Monguhup Wanan Porijistor Kuut Takawas Mohd Hafizi Abdul Halim ih nokorikot sabaagi hakim Kuut Sesyen.

Ih natandasan minomonsoi kasalaan dilo ontok tadau ko-24 tulan Koonom toun nakatalib pikikiro jaam 3 sosodopon id Taman Bukit Keramat, Likas.

Sabap kasalaan dilo, dinawa ih natandasan id siriba Seksyen 56 (1)(i) Akta Imigresen 1959/63.

Montok titondos koduo, minangakun nakasala ih natandasan haro apat pasport sinanganu tulun suai id tampat, timpu om tadau dilo.

Montok kasalaan kotolu, Osman minangakun nakasala haro apat pasport tulun suai id Jalan sungai Berbangkung, Petagas, jaam 3.50 sosodopon, tadau dilo. – Dii Elezebeth Esther/ SayangSabah.

Komen


Berita Berkaitan