Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kusai kikotumbayaan kiharo dadah, kotoguang hukuman gantung

Douglas (tolu mangad wanan) popokito dadah di naahau. - foto Kalawon Sawing
Douglas (tolu mangad wanan) popokito dadah di naahau. – foto Kalawon Sawing

KENINGAU – Pulis do hiti minanahan songulun kusai kikotumbayaan haro dadah kiwinagat 50 gram miampai gatang pikikiro RM8,000 id ponugkuan iso walai somok hiti.

Ponugkuan pikikiro jam 10.15 kosuabon dilo pinapanau tinimungan tupisor om puru mantad Koupisan Ponoriukan Kasalaan Tawagat Narkotik Longkod Tupis Pulis Watas (IPD) Keningau soira nakaanu kointalangan mantad tulun ginumuan.

Boyoon Pulis Watas Deputi Superintendan Douglas Taong minoboros do puru dau minanahak songulun kusai id walai nokomoi om mangad ponoriukan nabantalan iso linopot polositik oniniting kisuang do dadah kikotumayaan Syabu pinoopi id suang kain id sakai do mija.

Tumanud disio, kiis dilo mangan soriuko tumanud Seksyen 39B Akta Dadah Berbahaya 1952 ih kopogowit hukuman mandatori sokiro oilaan nakasala.

Daamot dilo, id iso kiis misuai, tolu tondu wookon mantad siam tulun tinahan do pulis sabap kikotumbayaan nakaampai id kiis manakau 20 talipaun tiigiton mogisuai suai point om duo panaas talipaun id iso kadai talipaun di tadau ko 20 tulan Koduo nakatalib. – Dii Kalawon Sawing / SayangSabah

Komen


Berita Berkaitan