Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kusai dinawa tolu titondos monipu tusin

Mahkamah1
KOTA KINABALU: Songulun kusai dinawa id Kuut Majistret, do hiti di baino sabap tolu titondos monipu tusin soginumu RM16,780.

Ferdaus Midin, 25, minangakun amu nakasala id toguang dii Majistret Jessica Ombou Kakayun kumaa kotolu-tolu titondos dilo.

Ferdaus dinawa minongudut songulun tondu miampai minoboros do ih natandasan nopo nga songulun mongobi ejen mantad Kumponi Pidagangan ATM Bakti miampai minoboros do ih natandasan kaanu mongurus do urusan miboli walai id Country Height.

Ilo minogowit tondu dilo minapatahak tusin kumaa di natandasan id Wisma Muis ko-2, 10 om ko-19 tulan Koduo, di kawawagu.

Ih natandasan dinawa id siriba Seksyen 420 Kanun Keseksaan poontok hukuman tolungku amu katalib sontoun, om amu katalib 10 toun om soputon, danda, sokiro oilaan nakasala.

Kuut minapatatap tadau ko-25 tulan Kotolu montok pongurusan kiis om ih natandasan pinagabas miampai jominan RM 1,800 miampai duo tulun mamajamin. – SayangSabah

Komen


Berita Berkaitan