Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kurikulum silang koubasanan mositi intangan pointopot: Zahid

hari guru
KOTA KINABALU: Datuk Seri Dr Ahmad Zahid Hamidi minokianu kumaa Komontirian Balajaran Malaysia (KPM) mooi manahak pogintangan pointopot kumaa kurikulum silang koubasanan id suang poingkawas gontob piuludan id tanga mongingia om susumikul.

Isido ih ponogi Kumoduo Luguan Montiri minoboros do ababayan piuludan mositi kapanahan lobi pogintangan kumaa pingisaman montok poingkawas kotorimaan mongingia om susumikul kumaa pisuaian tinaru, koubasanan boros om ugama.

“Di toun 2014, KPM minopoindalan ponoriukan montok palabus pongintaban piuludan id tanga mongingia om susumikul.

“Pogintaban di pinokito toun dilo nopo nga 6.9 ih kirati piuludan id tanga mongingia om tangaanak sikul nopo nga ogirot. Sundung do ingkaan, mantad nunu ih naanu mantad ponoriukan pongintaban piuludan popokito do kaangayan mongingia om susumikul do mamaramit pisuaian tinaru, koubasanan om boros om ugama nopo nga osiriba kopio,” ka disio.

Minoboros isido miagal dilo soira minopotimpuun karamai Tadau Mongingia Nayatan Kabansaan id Universiti Malaysia Sabah (UMS), do hiti di baino. – SayangSabah

Komen


Berita Berkaitan