Sayang Sabah Facebook

Likes
Sayang Sabah Twitter

11,653

Followers

Sayang Sabah - Portal Berita Negeri Kita

‘Kupi-kupi fm’ nokotimpuun mantad ababayan CENSE

11:53pm 11/01/2016 Maryann 5 views Abal Kinoyonon,Berita Pilihan,Kinoyonon,Kota Kinabalu,Momolihis

kupi kupi fm
KOTA KINABALU: Sitisin Radio Kupi-kupi Fm nokotimpuun mantad ababayan Center for Strategic Engagement (CENSE) iso kotinanan misosondiri i poindalan ‘Operasi Tataba’ id Sabah.

Porojik Tataba id siriba kopoonjuran piro-piro tulun mamahagi bibit guas do gata om piasau sawit kumaa lobi 400,000 tulun mogigion ponong sokid.

Montok momorikot lobi tosodu kumaa id pisuk-pisuk om mogihum karalanon kawawagu popiiso mogigion, om kalabus nodii Sitisin Radio Komuniti Kupi-Kupi fm i minopotimpuun kosolimbahan pogumbalan tadau ko-1 tulan Kohopod toun nakatalib.

Sitisin dilo pinapanau sontinimungan komulakan Sabah i mingisom popoburu sitisin nokomoi miampai poporongou habar, kointalangan mogisuai-suai ahal om ogumu poh.

Tumanud Pongurus Kosolimbahan Kupi-kupi Fm Lester Calvin Miol, sitisin radio diti poporongou mogisuai-suai kosolimbahan montok mokikinongou kosuang pomolihisan, koubasanan om habar misorili, kolidasan om pomutanaman.

“Montok daamot, Telekom Malaysia minoposodia Bukit Kratong sabaagi lokasi pemancaran montok papaanu liputan mantad Kuala Penyu gisom Kota Belud,” ka disio. – Dii Oleh Leolerry Lajius/Sayang Sabah.

Apa Komen dan Pendapat Anda

Artikel Berkaitan