Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kuota 50 metrik tan wagas parai nasional amu kabagal

pkk

PENAMPANG – Kotinanan Paladangan Kinoyonon (PPK) Penampang kaanu pandapatan soginumu RM704,407 toun nakatalib asil Porojik Pamadagangan Wagas Nasional.

Kotinanan dilo nakaanu pomoruhangan kuota 50 metrik tan mantad 30 metrik tan wagas parai nasional mantad porinta pogulu diti nokito minanahak kosiwatan kumaa pongindopuan kumaa puru PPK Penampang.

Sabap dilo Ponorikohon dau James Kenson mongunsub toinsanan puru paladang sumikap maganu Lisin Runcit Wagas montok papaanu diolo mimparagat id pongindopuan dilo om potilombus monguhup popoingkawas asil pandapatan toiso-iso diolo.

“Alansan nogi yahai mooi porinta kaanu mangadang kuota wagas parai nasional kumaa 100 metrik tan montok momonu kopokionuan tulun ginumuan lolobi puru paladang ih kipandapatan tosiriba sabap 50 metrik tan do babaino diti amu kabagal,” ka disio.

Minoboros isido miagal dilo soira minanahak boboroson id Mitingan Tounan PPK Penampang idDewan Kinsabina, do hiti di konihab.

Tumanud di James, PPK Penampang do babaino diti haro bangunan kadai tolu tingkat montok posiwaan asil mantad pinanahakan lot tana diolo kumaa pamaju piro-piro toun nakatalib.

Tumanud disio, asil siwa do bangunan dilo nakaanu minomoruhang pandapatan soginumu RM135,300 kumaa PPK Penampang di toun nakatalib. – Dii Sitti Nor Azizah Talata / SayangSabah

Komen


Berita Berkaitan