Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kumponi tagayo apatut popoingkawas ababayan CSR

Sapawi Ahmad (tolu mantad gibang) miampai di Ahmad Bujang (apat mantad gibang) om Hamden (duo mantad gibang) popokito komilaan mogonsok id ababayan Petronas. - foto Aryan De Vera
Sapawi Ahmad (tolu mantad gibang) miampai di Ahmad Bujang (apat mantad gibang) om Hamden (duo mantad gibang) popokito komilaan mogonsok id ababayan Petronas. – foto Aryan De Vera

SIPITANG – Kumponi tangagayo id pogun diti pinokianu papanau lobi ogumu ababayan montok monulung mogigion (CSR) id toiso-iso karaja kotundaan kumponi nokomoi.

Puru Parlimen Sipitang Datuk Sapawi Ahmad minoboros do kumponi tangagayo apatut monimban do tumpuan mantad maganu noh kountungan kumaa manahak ponguhupan kumaa mogigion.

“Ababayan CSR miagal dilo kaanu mamajamin toiso iso kumponi tangagayo kotilombus ogirot id timpu tanaru sabap mogigion nopo nga ponontu kumaa kotundaan om kountungan timpu tanaru kumponi nokomoi.

“Suai ko ilo, kopoindalanan do nunu nopo ababayan apatut momoguno ponginsamakan di lobi kreatif om okon ko tusin noh nga kosuang nogi kotundaan sosio ekonomi om balajaran do mogigion,” ka disio.

Minoboros isido miagal dilo id Ababayan “Pounsikou” Mesapol, hiti.

Id ababayan dilo, mogisuai suai acara pinapanau kosuang pialaan mogonsol, bola sepak om pokikitanan lukisan pinaanjur do Petronas Cari Gali Sdn. Bhd. Id Dewan Mini pekan Mesapol. – Dii Aryan De Vera / SayangSabah

Komen


Berita Berkaitan