Sayang Sabah Facebook

Likes
Sayang Sabah Twitter

11,811

Followers

Sayang Sabah - Portal Berita Negeri Kita

Kumpilin ginumuan kasala momoguno media sosial apatut onuon laang

10:46pm 31/01/2016 Maryann 6 views Abal Kinoyonon,Berita Pilihan,Kinoyonon,Kota Kinabalu

salleh
KOTA BELUD: Suruhanjaya Piromutan om Multimedia Malaysia (SKMM) nakaramit mogisuai-suai kumpilin mantad tulun ginumuan karait kasalaan momoguno porkhidmatan piromutan om media sosial ih apatut onuon o laang pointopot, ka di Montiri Piromutan om Multimedia, Datuk Seri Dr. Salleh Said Keruak.

Ka disio, wookon nopo kumpilin dilo nga tulun pointantu ih posuang ahal di kapanahub kooturan id laman sesawang om blog diolo.

Tumanud disio, intangan kopio do SKMM o kowowoyoon amu osonong dilo ih kituduan paparaat om poimbulai karaaton kumaa puru porinta.

“Posorohon ku toinsanan tulun ginumuan do, iso kasalaan tumanud Seksyen 233 Akta Piromutan om Multimedia 1998 nung posuang nunu nopo boboroson, kopokionuan, atag toi ko piromutan di ayamut, kopongundoronok toi ko haro niat amu osonong kumaa tulun suai,” ka disio kumaa Bernama kalapas ababayan miampai rayat do hiti di konihab.

Salleh, ih ponogi Puru Walai Koundangan Pogun Usukan, minoboros miagal dilo soira pinokianu mongulas laang do SKMM mangantob om manganu laang kumaa tulun misosondiri ih dinawa nakasala momoguno media sosial.

Kawawagu, SKMM minopoindalan karaja maganu laang kumaa tulun di kikotumbayaan posuang sinuratan kapanahub kooturan id akaun media sosial diolo. – BERNAMA

Apa Komen dan Pendapat Anda

Artikel Berkaitan