Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kumoduo Posurujaya Takawas Australia mamarayou pingisaman do Esscom

esscom 26

LAHAD DATU: Kumoduo Posurujaya Takawas Australid id Malaysia Dr Angela Macdonald mamagatang om mamarayou pingisaman puru Kinoyonon Kotungoligan Poimbida Tisan Kosilahon Sabah (Esscom) id suang mongulud ahal kotungoligan maritim miampai waya tosonong popoindalan ponuhuan moguung.

Macdonald, minoboros do kinopoindalanan dilo nakaanu waya tosonong do manangod kasalaan dumarapas piolitan, lolobi id Zon Atampasi Kosilahon Sabah (Esszone).

Ka disio, laang miagal dilo nakaanu minopoguli kawagu kotumbayaan tutumombului kumaa gontob kotungoligan id kinoyonon nokomoi.

“Mongunsikou yahai kumaa do Esscom sabab minapaprati kopoindalanan karaja do hiti kosuang karalanon do ponuhuan moguung id apat watas,” ka disio soira minanahak boboroson id tombului delegasi apat puru mantad tupis Posurujaya Takawas Australia id longkod tupis Esscom do hiti.

Kinorikatan do tinimungan dilo, rinamit di Potunud Komponen Rahat Esscom Laksamana Pertama Maritim M. Karunanithi, Potunud Porisikan Esscom Datuk Md Rahim Mohammad om tupisor wanan Esscom.

Nakaampai nogi id Pongurus Tagayoo Kotinanan Kotombuluian Sabah Datuk Irene Benggon Charuruks.

Kotombuluian dilo kihontolon manahak kopoilaan kumaa tinimungan nokomoi karait Esscom lolobi kopio kosip kopoindalanan karaja mogisuai suai puru mogiuhup uhp kosuang Bohogian Kogumuan Esscom. – Bernama

Komen


Berita Berkaitan