Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kukumaraja porinta kada oindamaan osimbayan: Musa

Boyoon Montiri Datuk Seri Musa Aman, soira manahak boboroson id Pitimungan Tagayo Boyoon Montiri Miampai Puru Kukumaraja Porinta Pogun om Pisompuruan id Auditorium Tun Ahmad Raffae, Menara Tun Mustapha, Kota Kinabalu. - foto Ille Tugimin
Boyoon Montiri Datuk Seri Musa Aman, soira manahak boboroson id Pitimungan Tagayo Boyoon Montiri Miampai Puru Kukumaraja Porinta Pogun om Pisompuruan id Auditorium Tun Ahmad Raffae, Menara Tun Mustapha, Kota Kinabalu. – foto Ille Tugimin

KOTA KINABALU – Ogumu kinalantaian di nagampot do koupisan porinta pogun om pisompuruan montok kotundaan Sabah om potilombus popokito pingisaman do kukumaraja porinta papanau tonggungan diolo.

Nunu nopo kinalantaian do porinta id mogisuai suai siktor nga asil mantad sumbangan kukumaraja porinta ih pakaraja id pogun diti.

Boyoon Montiri Datuk Seri Musa Aman minoboros do toinsanan puru kosuang nogi kukumaraja porinta kitonggungan monguhup popoingkawas ningkokoton mogigion.

“Soginumu 20 koupisan tokou nakaanu panarafan apat bintang. Nakaanu tokou minongurus kousinan goos tosonong, pongurusan kogoutanan om konservasi om nogi panahakan tana maya kopointutunan garan komunal.

“Kogumuan ababayan di pinapanau tokou nosiliu pongitanan do pogun ngawi suai,” ka disio id Pitimungan Tagayo Boyoon Montiri Miampai Puru Kukumaraja Porinta Pogun om Pisompuruan id Auditorium Tun Ahmad Raffae, Menara Tun Mustapha, Kota Kinabalu

Nokotindapou nogi ih Speaker Walai Koundangan Pogun, Datuk Seri Salleh Said; Monunurat Porinta Pogun, Tan Sri Sukarti Wakiman; Monunurat Pisompuruan Sabah, Datuk Borhan Dolah; Kumoduo Monunurat Porinta Pogun (Pontadbiran), Datuk Asnimar Sukardi om Posurujaya Pulis Sabah, Datuk Jalaluddin Abdul Rahman om boyoon ngawo koupisan porinta pogun om pisompuruan

Minokianu nogi ih Musa kumaa kukumaraja porinta moi lobi abarani om manahak ponumpuan do mogintong kopio pontadbiran on injin do porinta kotilombus kapanau miampai rikoton popoingkawas komogoton porkhidmatan kumaa mogigion. – Dii Sitti Nor Azizah Talata / SayangSabah

Komen


Berita Berkaitan