Sayang Sabah Facebook

Likes
Sayang Sabah Twitter

11,802

Followers

Sayang Sabah - Portal Berita Negeri Kita

Kukumaraja porinta id Sabah mositi tumilombus papanau tonggungan: Musa

10:51pm 07/03/2016 Maryann 0 views Abal Kinoyonon,Kinoyonon,Kota Kinabalu

perhimpunan perdana
KOTA KINABALU : Boyoon Montiri Sabah Datuk Seri Musa Aman mongunsub toinsanan kukumaraja porinta pogun mooi mingisom papalantoi nunu nopo pamalanan om poingkawas kopoindalanan tonggungan.

Minoboros isido do kosuul o ahal dilo montok mogintong kopio waya tosonong om kaanu manahak kosuulan kumaa toinsanan rayat id pogun diti.

“Nunu nopo impohon om ababayan di pinalan, kukumaraja porinta mositi papanau miampai poimponu tonggungan okon nopo ko popokito sinonong do karaja porinta nga kaanu mamagampot sigompoton do porinta.

“Kukumaraja porinta nopo nga tinimungan di kosuul kopio id toiso-iso koporintaan sabap iyolo noh ih kitonggungan do papanau nunu nopo impohon do porinta om potilombus mamagampot sigompoton,” ka disio.

Minoboros isido miagal dilo soira minanahak boboroson id toguang lobi 1,300 boyoon ngawi koupisan porinta pogun om pisompuruan do hiti di baino.

Nokotindapou nogi ih Monunurat Porinta Pogun Tan Sri Sukarti Wakiman om Monunurat Pisompuruan Sabah Datuk Borhan Dolah. – SayangSabah

Apa Komen dan Pendapat Anda

Artikel Berkaitan