Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kukumaraja KKMM mositi popiadang karaja om paganakan

20kkm
KOTA KINABALU: Kukumaraja Komontirian Piromutan om Multimedia Malaysia (KKMM) pinokianu mooi mogihum titik kaadangon id koposion sabaagi kukumaraja porinta di kalantoi.

Kumoduo Boyoon Monunurat (Karaja) KKMM, Dato’ Dr. Mohd Ali Mohamad Noor minoboros do kukumaraja komontirian dilo mositi manahak ponumpuan id pialatan karaja, tinan sondiri om koposion paganakan sabap toinsanan dilo nopo nga haro kogoitan.

“Tantu amu tokou kaanu papanau karaja miampai kiwaya sokiro sumakit tokou toi ko haro kobolihangkangan paganakan. Sabap dilo mositi haro kaadangon id pialatan karaja, tinan sondiri om paganakan mooi amu oiyadaan iso mantad dilo.

“Kaanu ilo monuridong kukumaraja porinta di osuau,” ka disio soira minanahak boboroson id ababayan Anugerah Perkhidmatan Cemerlang (APC) Toun 2015 om Jasamu Dikenang KKMM Toun 2016 Nayatan Pogun Sabah, do hiti di songkonihab.

Mongunsikou nogi isido kumaa kukumraja ih nokopinsin om mumang nogi pinsin sabap pingisaman om karaja diolo poompus pakaraja porinta.

Id ababayan dilo sorinumu 76 tulun tupisor om kukumaraja agensi id siriba KKMM Sabah om W.P Labuan miagal Koupisan Kointalangan Malaysia, Koupisan Kosolimbahan Malaysia, Koupisan Ahal Poimbida, BERNAMA om FINAS nakaramit sijil pamagatangan om sijil poopian premium soginumu RM1000.

Soginumu 39 tupisor om kukumaraja ih nokopinsin om mumang nogi pinsin nakaramit nogi sijil pamagatangan. – SayangSabah

Komen


Berita Berkaitan