Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kukumaraja Bangladesh owiton sumuang kalapas ougadan PATI

bangladesh-zahid

TAWAU: Komontirian Suang Pogun (KDN) popogumu ponguatkuasaan montok mongintutun pikikiro duo riong modidikot songkosuaian aiso kasagaan (PATI) i pakaraja miampai aiso kasagaan poimpuli pogun, ka di montiri dau Datuk Seri Dr Ahmad Zahid Hamidi.

Minoboros isido do pingisaman dilo papanahon miampai ponguhupan Koupisan Imigresen, Polis DiRaja Malaysia, Koupisan Sukarelawan Malaysia om piro-piro agensi suai.

“Pogulu owiton tokou sumuang pikikiro 1.5 riong kukumaraja ih haro surat kasagaan mantad Bangladesh, ugadan tokou poh sumoliwan modidikot songkosuaian aiso kasagaan ih pakaraja id pogun diti.

“Id pingisaman diti, mokianu tokou nogi ponguhupan mantad koduo-duo kodutaan nokomoi,” ka disio id pitimungan habar kalapas nokotindapou id Penerepan Nilai-nilai Murni miampau kukumaraja KDN do hiti di songkonihab.

Ahmad Zahid minoboros do pingisaman Luguan Montiri Datuk Seri Najib Razak mogowit sumuang kukumaraja mantad Bangladesh nopo nga montok momonu kopokionuan pasaran okurian kukumaraja id siktor pomukobunan, pamansaian, kilang om porkhidmatan.

“Sabap dilo, ahal diti amu apatut mangan pulitiko … iti nopo nga okon ko popogumu kukumaraja sabap posoliwanon tokou poh modidikot songkosuaian aiso kasagaan pogulu owiton tokou kukumaraja dii haro surat kasagaan.

“Aiso pogun manahak kasagaan kumaa isai-isai nopo kukumaraja songkosuaian dii aiso surat kasagaan,” ka disio. – Bernama

Komen


Berita Berkaitan