Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kuih Raya montok tinimungan koumoligan

kuih

PUTATAN: Kumoduo Boyoon Montiri, Datuk Seri Panglima Haji Yahya Hussin minapatahak sakadai kuih Hari Raya kumaa tinimungan koumoligan id kinoyonon Putatan om Penampang, konihab.

Soginumu 1,000 linopot kuih-muih pinatahak kumaa tinimungan susumangod Kem Lok Kawi, Pulis watas Penampang, Balai Polis Putatan om Tinimungan Bomba om Manampasi Penampang.

Tumanud di Yahya, koubasanan manahak toluod kuih muih rurumikot Hari Raya nopo pinaharo mantad podii nopili isido lalansaono do rayat id kinoyonon Walai Koundangan Pogun (DUN) Petagas.

“Iti nopo nga sabaagi tanda pamagatangan om kounsikahan ku om nogi rayat id Petagas om Putatan kumaa tinimungan koumoligan lolobi susumangod, polis om bomba ih minopoindalan karaja miampai tosonong do madtamong kosimbayanon do mogigion,” ka disio.

Nokotindapou id ababayan dilo Boyoon Watas Putatan, OKK Yunus Ismail, Tupisor Watas Putatan, Haji Awang Abd.Ghani Pg.Yusof, Panglima 5 Briged Markas Briged Kelima Infrantri Malaysia Kem Lok Kawi, Brig.Jen.Dato’ Haji Jalaluddin Haji Manan, Boroon Pulis Watas Penampang, DSP Rosley Hobden, Boyoon Balai Bomba om Manampasi Penampang, Mohd.Akramin Sakirun, Boyoon Balai Polis Putatan, SM Mohd.Redwan Abdullah om Momuruan Kotundaan Mogigion (PPM) Petagas, Ali Hussin Sharin.-Sayangsabah

Komen


Berita Berkaitan