Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

KRT nunsub papanau karaja miampai kiwaya

Bobbey rinamit do mogigion Kampung Sabinait Baru. – foto Kalawon Sawing
Bobbey rinamit do mogigion Kampung Sabinait Baru. – foto Kalawon Sawing

NABAWAN – Komuniti Rukun Tetangga (KRT) nopo nga sunsuion tosonong montok popiulud do mogigion mogisuai-suai tinaru om ugama id pogun diti.

Monguhup Montiri Kotundaan Infrastruktur Datuk Bobbey Suan minoboros do, ilo kopiagal pokionuon do porinta montok popotindohoi katanangan om piuludan id tanga mogigion mogisuai-suai tinaru om ugama ih nosiliu impohon piuludan om kouludon.

Ka disio, ponuridangan lobi ogumu KRT kaanu monguhup mogigion posorili papanau ababayan di kosuul ih papaampai mogigion mogisuai-suai tinaru id toiso-isi kinoyonon KRT.

“Sabap dilo, mamaramit tokou pingisaman do porinta longkod maya Koupisan Piuludan Pogun om Integrasi Nasional (JPNIN) monuridong do KRT id toiso-iso kampung,” ka disio soira minanahak boboroson id kopongukaban KRT Kampung Sabinait Baru dekat, hiti di konihab.

Bobbey ih ponogi Puru Walai Koundangan Pogun (Adun) Nabawan minoboros do KRT nga kaanu nogI popotindohoi piunungan om piuhupan id tanga mogigion kampung maya ababayan i papanahon id kampung diolo. – Dii Kalawon Sawing / SayangSabah

Komen


Berita Berkaitan