Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

KRT mositi manahak kointalangan impohon porinta kumaa rayat

10:27pm 01/03/2016 Maryann 0 views Abal Kinoyonon,Keningau,Kinoyonon

krt
TENOM: Kinoyonon Rukun Tetangga (KRT) mositi koilo, mimparagat om manahak ponguhupan id suang manahak kointalangan karait impohon do porinta kumaa rayat montok monoibau ahal amu osonong ih momiraag piuludan do rayat mogisuai-suai tinaru id pogun diti.

Montiri Kotundaan Labus Kakadaian Datuk Radin Malleh minoposorou kumaa toinsanan puru kotinanan KRT mooi kasasari mogintong katapatan nunu nopo kointalangan lolobi id media-media sosial montok mongilo kointalangan diloo amu momirumbak piuludan om kosimbayanon do rayat mogisuai-suai tinaru.

“Kotinanan ngawi KRT nunsub mooi kasasari miuhup miampai kotinanan do suai montok paanjur ababayan sosial ih kaanu poingkawas piuhupan om piuludan id tanga mogigion id kinoyonon KRT dilo,” ka disio.

Radin ih ponogi Puru Walai Koundangan Pogun Melalap minoboros miagal dilo id kopotimpuunan walai poingukab karamaian toun wagu sina pinaanjur KRT Taman Seri Mantailang Tenom id Walai Kapitan Alfred Tai id Taman Seri Mantailang tadau Koonom nakatalib.

Nokotindapou nogi ih Tupisor Koupisan Piuludan Pogun om Integrasi Nasional Tenom, Azrim Maraim, Ponorikohon KRT Taman Seri Mantailang, Haji Zulkifi Empin, Datin Angeline Tom, om kapitan Cina Tenom, momuruan mogigion om kinoyonon posorili. – SayangSabah

Apa Komen dan Pendapat Anda

Artikel Berkaitan