Sayang Sabah Facebook

Likes
Sayang Sabah Twitter

11,822

Followers

Sayang Sabah - Portal Berita Negeri Kita

KPDNKK Sabah minoposurat 32 kiis mogisuai-suai kasalaan

9:12pm 13/02/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

kpdnkk
KOTA KINABALU: Komontirian Pidagangan Suang Pogun, Koporasi om Momoguno (KPDNKK) Sabah minoposuratt 32 kiis kapaampai mogisuai-suai kasalaan miampai ginumu kompaun RM16,800 pinalabus id saalom pomorisaan Skim Kaantaban Gatang Timpu Karamaian Toun Wagu Sina om Op Restoran, tadau Kaapat nakatalib.

Boyoon Tupisor Monguatkuasa KPDNKK Sabah Yahya Sujak minoboros do iti nopo nga asil pomorisaan kumaa 359 kadai pongindopuan poimpuli pogun diti.

Ka disio, kiis ngawi di pinosurat dilo kapaampai ponohuban Akta Kaantaban Gatang om Anti Pencatutan 2011, Akta Timbang om Sukat 1972, Akta Ahal Pidagangan om Kooturan Paddagangan Omura 1977 om Akta Ponungoligan Momoguno 1999.

“Haro nogi sombohogian kadai di pinorisa amu minopoiliu tanda gatang id kakamot pinadagang diolo, mongindapu momoguno ponimbang di tamat timpu sah om poindalan padagangan omura gatang miampai aiso notis pointopot,” ka disio kumaa Bernama do hiti di konihab.

Tumanud dii Yahya id suang karaja dilo, puru dau nga minoposoliwan limo notis Seksyen 21 Akta Kaantaban Gatang om Anti Pencatutan 2011.

Ka disio, KPDNKK Sabah kasasari mingisom mogintong id kinoyonon tumpuan tulun ginumuan momoli kakamot kogunoon lolobi id labus kakadaian montok mogintong amu yolo awagatan dilo kinoingkawason balanja koposion.

“KPDNKK amu miduo ginawo kumaa mongindapu di suka-suka poingkawas do gatang babarang kogunoon aiso sabap pointopot sundung id labus kakadaian,” ka disio. – BERNAMA

Apa Komen dan Pendapat Anda

Artikel Berkaitan