Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

KPDNKK minopoilo 12 kakamot id siriba Skim Pangantaban Gatang

Montiri Pidagangan Suang Pogun, Koporasi om Momoguno Datuk Seri Hasan Malek tinombului id kadai padagang do piak kalapas minopotimpuun Skim Pangantaban Gatang kopihondot Pamaramaian Toun Wagu Sina id Pasar Awam Lukut do hiti. – Foto BERNAMA
Montiri Pidagangan Suang Pogun, Koporasi om Momoguno Datuk Seri Hasan Malek tinombului id kadai padagang do piak kalapas minopotimpuun Skim Pangantaban Gatang kopihondot Pamaramaian Toun Wagu Sina id Pasar Awam Lukut do hiti. – Foto BERNAMA

PORT DICKSON – Komontirian Pidagangan Suang Pogun, Koporasi om Momoguno (KPDNKK) minopoilo gatang goos takawas montok 12 ponit kakamot nopo nga id siriba Skim Pangantaban Gatang rumikot karamaian Toun Wagu Sina 2015.
Montiri dau, Datuk Seri Hasan Malek minoboros do skim nokomoi pinotimpuun tadau Koonom gisom tadau ko-25 tulan Koduo diti pogulu, mamaso om onom tadau kalapas karamaian dilo.
“Papanahon iti id siriba Akta Kawalan Harga om Antipencatutan 2011. Barangan nopo diti nga piak poimpasi, ayam standard, ayam super, tontolu piak gred A, B om C, kubis bulat import, bawang opurak (China), ikan bawal opurak, udang putih opurak om daging do wogok.
“Skim diti papanahon moi kaanu o momoguno momoli barang nokomoi miampai gatang haro kopotutan om mangantob mogindapu popoingkawas gatang,” ka disio kumaa maganu habar kalapas minopotimpuun Skim Kawalan Harga kopihondot timpu Karamaian Toun Wagu Sina id Pasar Awam Lukut, somok hiti.
Nokotindapou nogi Kumoduo Boyoon Monunurat (Francais om Momoguno) KPDNKK, Datuk Basaruddin Sadali, Kumoduo Boyoon Monunurat (pongurusan) KPDNKK, Datuk Zaidon Asmuni om Potunud Bohogian Monguasa KPDNKK, Mohd Roslan Mahayudin.
Ka di Hasan, pokionuon o mogindapu ngawi padagang barang nokomoi amu katalib mantad gatang di pinatantu do porunta om popoiliu tanda poimbida montok popisuai di kakamot dagangon do suia. – BERNAMA

Komen


Berita Berkaitan