Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kowowoyoon ohimatak waya korugian

ghani

NABAWAN – Kopihondot Aidilfitri ih amu noh alaid mantad baino, mogigion Islam pinosorou mooi apandai posoliwan tusin id suang momoli kosukup-sukupan do Hari Raya.

Boyoon Umno Bohogian Pensiangan Datuk Abdul Ghani Yassin minoboros do laang mongikit-ngikit monikid tadau kaanu monuduk do mogigion Islam mooi amu oindamaan ohimatak do tusin.

Minoboros isido miagal dilo soira rinomut do maganu habar id ababayan mongukab puasa om ababayan Membara-Ihya Ramadan id Masjid Al Hidayah Nabawan pinaanjur Biro Agama UMNO Bohogian Pensiangan.

Id ababayan dilo, minapatahak nogi ih Abdul Ghani toluod air zam-zam, buah kurma, sejadah dan piro-piro kakamot montok gunoon jemaah kumaa kotinanan masjid om surau posorili watas Nabawan.

Suai koi lo minapatahak nogi isido sakadai tusin om taakanon kumaa tininumgan fakir misikin om tina osongulunan. Nokotindapou Naib Boyoon Koonduan UMNO Bohogian Pensiangan, Sikin Syamsiah Angkaus; Boyoon Komulakan dau Jehan Osman om puru komiti bohogian Koonduan, Komulakan om Puteri bohogian dilo. – Dii Kalawon Sawing / SayangSabah

Komen


Berita Berkaitan