Sayang Sabah Facebook

Likes
Sayang Sabah Twitter

11,728

Followers

Sayang Sabah - Portal Berita Negeri Kita

Kowowoyoon alasu pikikiro otonduli rumikot tulan Kaapat

9:56am 17/03/2016 Maryann 0 views Abal Kinoyonon,Kinoyonon,Kota Kinabalu

cuaca p anas
KUALA LUMPUR: Kowowoyoon alasu di oindamaan om okoring sasabap fenomena El Nino do babaino diti pikikiro otonduli rumikot tulan Kaapat diti.

Boyoon Koupisan Meteorologi Malaysia Datuk Che Gayah Ismail minoboros do timpu koundolihan monsun dilo mogowit kowowoyoon id pogun diti kogulu oyopos om mogingkuri linasu di alasu do babaino diti.

El Nino ih naantakan id pogun diti mantad tulan Kohopod om Duo om tulan Koiso nakatalib nopo nga fenomena kolosuon linasu id soibau do rahat id kosilahon om tanga Lautan Pasifik kinooyonon Khatulistiwa ih aantakan monikid duo gisom turu toun, ka disio.

Pakar Klimatologi om Oseanografi Universiti Kabansaan Malaysia (UKM) Prof Dr Fredolin Tangang minoboros nogi do fenomena El Nino do babaino diti id suang fasa minsiriba.

“Kotoguang tokou kowowoyoon di alasu mantad ko koubasaan id suang fasa koinsiribaan do fenomena diti lolobi tulan diti,” ka disio.

Dr Fredolin ih kipangalaman solinaid 20 toun momonsoi ponoriukan karait fenomena dilo minoboros do kinoyonon utara Semenanjung, utara Sarawak, Sabah om Selatan Filipina kotoguang magadau om alasu oindamaan id suang fasa dilo.

Komontirian Sains Tiknologi om Inovasi Malaysia (MOSTI) id iso kointalangan minoboros do puru dau amu poindisan do aanntakan doti kolosuon di oindamaan sabap linasu di adalaan doo babaino diti ih korikot gisom 40 darjah celcius. – BERNAMA

Apa Komen dan Pendapat Anda

Artikel Berkaitan