Sayang Sabah Facebook

Likes
Sayang Sabah Twitter

11,774

Followers

Sayang Sabah - Portal Berita Negeri Kita

Koupisan Tolungku Sabah popoingkawas profesionalisme mitanud kosimbanon timpu

12:29am 17/03/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

jabatan penjara
KOTA KINABALU: Koupisan Tolungku Sabah mositi popoingkawas gontob profesionalisme dau mooi do kaanu koburu kopitanud miampai kosimbanon timpu.

Potunud Tolungku Sabah om Labuan, Suria Idris minoboros do tonggungan do tolungku baino diti kopongubal kopio, lobi noh kopio id ponondulian do tongo nakasala i monoguang hukuman.

“Alansan tokou do upisor om puru dotokou do monontuduk sondiri id ponguludan nongotolungku mooi do songira iyolo (i notolungku) kobibas do sumonu, kaanu yolo sumiliu kotos kumaa pogun.

“Id tikid timpu, bohogian mogihum laang montok popoingkawas ponginsamakan dotokou montok monondulu di notolungku mooi do amu orubat-rubat koposion kobibas diolo do sumonu,” ka disio ontok rinuba do maganu habar kalapas Ababayan Pitimungan id Kompleks Tolungku Kota Kinabalu, kopihondot karamaian Tadau Tolungku Malaysia Ko-266, dohiti di koniab.

Minoboros i Suria do Koupisan Tolungku Sabah, kasasari tumoguang tuundoronok di mikot misudong miampai koinsudon timpu.

Ka disido, bohogian disido poingukab monorimo modul ponondulian kawawagu i kaanu poposimban kowowoyoon di nongotolungku mooi do amu monguhit kasalaan diolo pogulu diti.

Minoboros ih Suria do suai ko onom kompleks tolungku id Sabah, ilo nopo nga id Labuan, Keningau, Tawau, Sandakan, om Kota Kinabalu, Koupisan Tolungku Sabah nga haro nogi Longkod Ponondulian Pemasyarakanan (PPP) id Kota Belud i nokotimpuun tumorina mantad po di tulan Kawalu toun nakatalib.

Tumanud disido, longkod dilo i baino haro 142 songintindohoi, sabaagi iso pingisaman Strategi Lautan Biru Kabansaan (NBOS) miampai do Komontorian Pongumoligan. – BERNAMA

Apa Komen dan Pendapat Anda

Artikel Berkaitan