Sayang Sabah Facebook

Likes
Sayang Sabah Twitter

11,653

Followers

Sayang Sabah - Portal Berita Negeri Kita

Koupisan Tana papanau porojik posikap manahak kopotutan sanganu tana adat

11:57pm 12/04/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

madius 1
TUARAN: Mantad toun 2012 gisom baino, Koupisan Tana om Monukat nakaanu minomongoh ponukatan 57 Geran Komunal miampai ginayo kinoyonon 24, 016 hektar ih minanahak kosuulan kumaa 8,986 benefisiari tanak pogun.

Potunud Koupisan Tana om Monukat Sabah Hj. Safar Untong, koupisan dilo nga nakaanu nogi minanalasai ponukatan do 9,037 lot mogigion misosongulun miampai ginumu ginayo 15,138.54 hektar kapaampai 73 kampung poimpuli pogun Sabah.

“Duo ponginsamakan kawawagu ilo nopo nga Posoliwanan do Garan Komunal om Ponukatan do Lot Mogigion ih pinapanau do Koupisan Tana om Monukat montok posikap panahakan kopotutan sanganu tana adat pogun om id mamaso dilo nakaanu monungolig anak pogun kumaa tana ngawi NCR diolo.

“Geran Komunal om Geran Misosondiri nopo nga asil ponukatan do Lot Mogigion amu milo padagangon suai ko mangan potungkuso kumaa tumungkus,” ka disio.

Minoboros isido miagal dilo mamaso manahak kointalangan karait ponukatan do Tana Hak Adat Anak Negeri id kotombuluian Pogintangan di Boyoon Potunud Unit Mongulud Papanau (ICU) Koupisan Luguan Montiri Dato Ahmad Zaki Ansore Mohd Yusuf, id Lembah Kiulu, do hiti di baino.

Tumanud dii Safar, Ababayan Ponukatan do Tana Hak Adat Pogun nopo diti nga pinapanau miampai ponguhupan kousinan porinta pisompuruan maya Ababayan Poimbida Tanak Pogun Sabah (PKAN).

“Mantad toun 2012 gisom toun 2015, soginumu RM65, 703, 600 poruntukan pinatahak kumaa koupisan diti montok papanau ababayan ponukatan.

“Maya ababayan ponukatan diti, iso pangkalan data tanak pogun tinuridong montok papaanu pongurusan om ponorinaan tana-tana tanak pogun koindalan miampai kiwaya,” ka disio.

Koupisan dilo nga mamalan nogi posodia kaunter ponorinaan computer id toinsanan 25 Tupis Tana Watas montok manahak ponorinaan kaunter di lobi kiwaya kumaa tulun ginumuankarait ahal ngawi tana. – Dii Leolerry Lajius/Sayang Sabah.

Apa Komen dan Pendapat Anda

Artikel Berkaitan