Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Koupisan porinta, IPT apatut miuhup papanau R&D

 Boyoon Montiri, Datuk Seri Musa Aman miampai montiri Kabinet Pogun, boyoon ngawi koupisan om agensi porinta pogun om pisompuruan om kukumaraja porinta ih nokotindapou id Pitumungan Tagayo Boyoon Montiri miampai Puru Kukumaraja Porinta Pogun om Pisompuruan 2015 id Auditorium Tun Ahmad Raffae, Menara Tun Mustapha, Kota Kinabalu. - foto Ille Tugimin

Boyoon Montiri, Datuk Seri Musa Aman miampai montiri Kabinet Pogun, boyoon ngawi koupisan om agensi porinta pogun om pisompuruan om kukumaraja porinta ih nokotindapou id Pitumungan Tagayo Boyoon Montiri miampai Puru Kukumaraja Porinta Pogun om Pisompuruan 2015 id Auditorium Tun Ahmad Raffae, Menara Tun Mustapha, Kota Kinabalu. – foto Ille Tugimin

KOTA KINABALU – Boyoon Montiri Datuk Seri Musa Aman minoboros do koupisan om agensi nokomoi apatut miuhup popoingkawas asil pogun id mogisuai-suai kaganaan.

Pinosorou nogi disio toinsanan puru do amu oindamaan osimbayan karait kowowoon kousinan nga kasasari mongurus kousinan dit tosonong om mongikit-ngikit.

“Pointopot nopo, amu tokou oilaan aratu o gatang do tumau kolobi 50 pihatus. Waya dau mimang haru, nga pogun diti kakal id kowowoyoon di tosonong sababa mongubasan tokou kowowoyoon mongikit ngikit.

“Sokiro ogumu porojik amu opongoh tumanud timpu di pinatatap toi ko haro kobolihangkangan, kos dau nga muhang ruhang, iti noh komoyon tokou pomirubatan do tusin. Sabap dilo mositi kumaraja tokou ososonong montok mangalai pomirubatan tusin,” ka disio.

Minoboros isido miagal dilo soira minanahak boboroson toniba id Pitimungan Tagayo Boyoon Montiri Miampai Puru Kukumaraja Pogun om Pisompuruan 2015, id Auditorium Tun Ahmad Raffae, Menara Tun Mustapha, Kota Kinabalu.

Nokotindapou nogi ih Speaker Walai Koundangan Pogun, Datuk Seri Salleh Said; Monunurat Porinta Pogun, Tan Sri Sukarti Wakiman; Monunurat Pisompuruan Sabah, Datuk Borhan Dolah; Kumoduo Monunurat Porinta Pogun (Pontadbiran), Datuk Asnimar Sukardi om Posurujaya Pulis Sabah, Datuk Jalaluddin Abdul Rahman om boyoon ngawo koupisan porinta pogun om pisompuruan. – Dii Sitti Nor Azizah Talata / SayangSabah

Komen


Berita Berkaitan