Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Koupisan Pomutanaman minomunso sakot miang Mexico

rumpai miang

KOTA KINABALU – Koupisan Pomutanaman Sabah nakaanu minomunso sakot miang Mexico, Parthenium hysteropnorus, ih mongindaraat om nokito nokosuni id piro-piro kinoyonon id pogun diti maya piro-piro laang pangantaban.

Kumoduo Boyoon Montiri Datuk Yahya Hussin minoboros do puru disio maya Kopuisan Pomutanaman nga minonuridong nogi iso komiti, ilo nopo nga Panel Pogintangan om Pangantaban Momiraag id sampapin minongukab bilik gerakan id nayatan longkod tupis Kopuisan Pomutanaman.

Tumanud disio, mantad pogintangan, noilaan to sakot nokomoi amu nokoroliu poimpuli pogun nga nokosuni id piro-piro kinoyonon tokoro id onom watas, ilo nopo nga Ranau, Keningau, Tenom, Tuaran, Sipitang om Kota Marudu kapaampai 16 kinoyonon.

“Laang pangantaban timpu toniba nopo nga kosuang nogi pogintangan,, pomunsaan om kimpin kopurimanan,” ka disio id pitimungan walai koundangan pogun do hiti baino.

Minoboro isido miagal dilo montok monimbar ponguhatan dii Datuk Ahmad Bujang (BN-Sindumin) ih minuhot do nunu laang naanu montok momunso sakot nokomoi.

Kd di Yahya sakot miang Mexico nointutunan om noilaan nokosuni id Kampung Lasing, Ranau di tadau ko-14 tulan Kohopod om Duo toun naktalib soginayo 12’x12′.

Isido ih ponogi Montiri Pomutanaman om Pomorunan Taakanon minoboros do Koupisan Pomutanaman nokopomonsoi laang tanaru maya ababayan kotundaan om ponoriukan karait sakot miang Mexico om papanau pangantaban potilombus. – Dii Sitti Nor Azizah Talata / SayangSabah

Komen


Berita Berkaitan