Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kounsil Watas Keningau pinokianu potindohoi ruputan ningkokoton goos osonong

 PIOMUNGAN WAGU OM LAID … Puru ngawi Kounsil Watas Keningau sesi 2015/2016 guminambar montok pongitanan miampai di Pairin (poingirikau id tanga) kalapas ababayan angkat sumpah ningkokoton. - foto Kalawon Sawing / Sayangsabah

PIOMUNGAN WAGU OM LAID … Puru ngawi Kounsil Watas Keningau sesi 2015/2016 guminambar montok pongitanan miampai di Pairin (poingirikau id tanga) kalapas ababayan angkat sumpah ningkokoton. – foto Kalawon Sawing / Sayangsabah

KENINGAU: Kumoduo Boyoon Montiri Tan Sri Joseph Pairin Kitingan lumansan do Kounsil Watas Keningau (MDK) kaanu potindohoi ruputan ningkokoton goos osonong ih nagampot poompus tolu toun misusuhut mantad podii toun 2012.

“Alansan oku moi kaanu o puru kounsil diti potindohoi rikod miagal dilo om potilombus popoingkawas ningkokoton toun diti om nogi timpu abantalan,” ka disio soira minanahak boboroson om sinasi ababayan angkat sumpah om panahakan watikah pomilian Puru Kounsil Watas Keningau sesi 2015/2016, hiti di songkosodop.

Ka disio, tutungkap di naramit do MDK solinaid tolu toun misusuhut mimpuun toun 2012 gisom toun natalib nopo nga asil pingisaman om sunduan mogiuhup id tanga puru Kounsil, puru om agensi porinta pogun om pisompuruan.

“Piuhupan migal dilo kosuul mangan potindohoio om poingkawason montok manahak tumpuan kumaa ahal koborisian om kolumison potilombus poposiliu Keningau sabagi kakadaian pongintangan goos osonong id kinoyonon padalaman pogun diti,” ka disio.

Soginumu 19 mantad 20 Puru Kounsil Watas nakaangkat sumpah ningkokoton montok timpu 2015/2016 id toguang Ponorikohon Kounsil Watas ih ponogi Tupisor Watas Yusop Osman,

Ababayan angkat sumpah dilo popokito turu turos do wagu pinili montok ningkokoton dilo, yolo nopo nga ih Datuk Justin Guka, Kennedy Datuk John, Nik Nadzri Nik Zawawi, Amir Haji Jani, Pang Shu Kin @ Pang Shu Hin, Hadimin Jamburi om Ang Lui Meng.

Om puru Kounsil Watas di pinotindohoi nopo nga ih Datuk Dr Bernard S Maraat, Azman Haji Ruslan, Datuk Daniel Kinsik, Annuar Datuk Ayub, Vincent Lee @ Lee Yung Soon, Alfian Koroh, Kapitan Liew Ket Lim @ Osman Liew, Sahanip Jamil, Puan Dolores Umbol om Chee Sik Lai. – Dii KALAWON SAWING / Sayangsabah

Komen


Berita Berkaitan