Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kounsil Agama Islam minopotoluod RM551,569

majlis agama islam-musa

KOTA KINABALU – Sakadai montok munggui noguyu tana id Ranau kotilombus nakaanu pogintangan mantad mogisuai-suai puru om ih kawawagu Kounsil Agama Islam Nayatan Pisompuruan minapatahak toluod lobi sitanga riong kumaa porinta pogun.

Ababayan panahakan cek akadai soginumu RM551,569 dilo pinatahak kumaa Montiri id Koupisan Luguan Montiri Datuk Seri Jamil Khir Baharom kumaa di Boyoon Montiri, Datuk Seri Musa Aman id walai boyoon montiri Sri Gaya, Kota Kinabalu, do hiti di konihab.

Ka di Musa, porinta pogun mamaramit sakadai ih notimung agensi om kotinanan agama islam dilo montok mungui noguyu tana id Ranau.

“Osudu ginawo ku miampai sakadai dii pinatahak diti lolobi montok monginsonong do masjid om surau ih naraag sasabap noguyu tana. Tantu noh kousinan diti kaanu monulung sundung do haro nogi dotokou pinosodia om pomoruhang kousinan diti kaanu papagaan tingorit tokou id Sabah,” ka disio.

Daamot dilo Jamil Khir minoboros do pomuhuan sakadai dilo tinimung do agensi miagal Koupisan Kotundaon Islam Malaysia (Jakim), Koupisan Agama Islam Nayatan Pisompuruan (Jawi), Koupisan Agama Islam Nayatan Pisompuruan Labuan (Jawip) om Tabung Haji id siriba komontirian dau. – Dii Sitti Nor Azizah Talata / SayangSabah

Komen


Berita Berkaitan