Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kotungoligan maganu habar aiso kompromi: Lam Thye

NIOSH-600x366
KOTA KINABALU – Maganu habar id pogun diti pinosorou moi amu poindisan toi ko amu momoduli kotungoligan om kolidasan diolo soira papanau karaja id labus tupis.

Ponorikohon Institut Kotungoligan om Kolidasan Kukumaraja Pogun (Niosh) Tan Sri Lee Lam Thye minoboros do touki ngawi id kumponi maganu habar nga apatut nogi posodia kosukupan kotungoligan kumaa kukumaraja diolo.

“Tinimungan maganu habar nga kukumaraja nogi, sabap dilo ahal kotungoligan om kolidasan amu milo tokou kompromi. Sabap diti, toiso-iso kumponi maganu habar nunsub do lobi mingisom om momusorou kosuulan kukumaraja diolo,” ka disio.

Minoboros isido miagal dilo soira minanahak boboroson id ababayan Pamagatangan om Pibarasan Miampai Maganu habar, pinapanau do Niosh Sabah, hiti di konihab.

Nakaampai nogi ih, Pongurus Tagayo Niosh Certification, Shamsul Zahrin Zainuddin; Pongurus Niosh Nayatan Sabah om Pisompuruan Labuan, Mohd. Hussin Abd. Salam om Rektor Universiti Teknologi Mara (UiTM) Kampus Sabah, Datuk Dr. Abdul Kadir Rosline.

Tumanud di Lam Thye, kopio nopo nga, maganu habar lobi kotoguang mogisuai-suai ahal kagait kotungoligan om kolidasan miagal soira mongoi paganu habar id kinoyonon noluyudan, zon pisangadan om korolihan toruol di kinoyonon-kinoyonon pointantu. – Dii Sitti Nor Azizah Talata / SayangSabah

Komen


Berita Berkaitan