Sayang Sabah Facebook

Likes
Sayang Sabah Twitter

11,808

Followers

Sayang Sabah - Portal Berita Negeri Kita

Kotundaan id labus kakadaian Sabah kasasari poguluonon

2:03pm 03/11/2015 Maryann 1 views Abal Kinoyonon,Kinoyonon,Kota Kinabalu

KOTA KINABALU: Minanahak jaminan i Luguan Montiri Datuk Seri Najib Tun Razak montok tumilombus mongilo do kotundaan labus kakadaian, lobi no id Sabah do onuan kopoguluanan takawas montok mongilo kopio rayat id watas dilo amu koindisan mantad koburuon pogun.

Najib, i ponogi Ponorikohon Barisan Nasional (BN), minoboros do rayat id watas labus kakadaian nopo nga sabaagi tuod om winakas do BN i minanahak kotumbayaan poimponu kumaa giab dino montok tumilombus momuruan do koporintaan gisom baino diti.

Mantad dilo, minoboros isido do nosiliu tonggungan do BN montok mongilo kopio do rayat id labus kakadaian kaanu pomuwoigan poimponu om ponundunan di misudong do mooi o kotundunan om nogi kosindakon diolo pointatap atamangan.

“Mantad sabap dilo, id suang Bajet 2016 i pinabantang ku di kwawagu diti, minanahak oku ponotohan om kopoguluanan kumaa kotundaan labus kakadaian (kaampai no id Sabah),” ka disido di ontok minoplombus pason kopotimpuunan pitimungan isan tolu toun (tritahunan) do Paati Pisompuruan Rayat Sabah (PBRS), do hiti.

Minoboros ih Najib do Bajet 2016 i kisuang 130 ‘touch point’ dilo, wookon suai pinagaris kopoobian montok kotundaan labus kakadaian, kaampai no kopoobian RM1.4 bilion montok popoingkawas ningkokoton talun alun soninaru 700 kilometer id pototongkop Malaysia, RM878 riong montok tudon panahakan lotiril kopogompit 10,000 walai om RM568 riong montok tudon panahakan waig.

Minoboos i Najib do id Sabah, wookon di nuan nogi pongumbanganan nopo nga pamansaian fasa 1 Talun alun tagayo Pan Borneo, kapaangkub 706 kilometer tumimpuun mantad Sindumin kumaa Tawau miampai pikikiro kos RM12.8 bilion, songira opongo do sumoonu, talun alun tagayo dilo aiso kabarai tol. – Bernama

Apa Komen dan Pendapat Anda

Artikel Berkaitan