Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kotoronongon om kotundaon asil kouludon do porinta

pairin 2
KOTA KINABALU: Boyoon Montiri Datuk Seri Musa Aman minoboros do kotoronongon, kouludon om kotundaon ih nopurimanan do babaino diti asil mantad porinta di oulud.

Sabap dilo pinokianu disio rayat abah om toinsanan puru mooi miangkawot longon potimporon kouludon do porinta, kotundaon ikonomi om sosial om nogi piuludan id pogun diti.

“Koporintaa di oromuk amu papaanu dotookou momurimon nunu ih nopurimanan tokou do babaino diti. Momorlu tokou sokodung do rayat montok mogintong kopio toinsanan impohon om ababayan porinta aanu papanahon id pogun diti lolobi montok kosuulon sukud wagu abantalan,” ka disio.

Minoboros isido miagal dilo soira minopotimpuun Ababayan Tounan Krismas Gaya ko-11 id Lintasan Deasoka do hiti di kosodop.

Boboroson disio pinolombus di Kumoduo Boyoon Montiri ih ponogi Montiri Kotundaan Infrastruktur, Tan Sri Joseph Pairin Kitingan.

Ababayan solinaid apat tadau dilo pinaanjur do Dewan Bandaraya Kota Kinabalu om Majlis Gereja-gereja Sabah (SCC). – BERNAMA

Komen


Berita Berkaitan