Sayang Sabah Facebook

Likes
Sayang Sabah Twitter

11,735

Followers

Sayang Sabah - Portal Berita Negeri Kita

Kotonudan “agropreneur” komulakan id siktor pomutanaman

5:59pm 24/04/2016 Maryann 0 views Abal Kinoyonon,Kinoyonon,Kota Kinabalu

Yb-Datuk-Sairin-bin-Haji-Karno
KOTA KINABALU: Impohon do porinta id kotonudah “agropreneur” komulakan id suang siktor pomutanaman id Sabah nopo nga otumpuan kumaa kotundaan modal insan montok tinimungan sukod wagi/

Monguhup Montiri Pomutanaman om Pomorunan Datuk Hj. Sairin Karno minoboros do montok tuduan diti piro-piro ababayan id siriba komontirian dau nulud miagal Taman Kekal Pengeluaran Makanan (TKPM), Pusat Latihan Pertanian Bersepadu (PLPB) Putatan om Pusat Latihan Petani (PLP).

“Koupisan om agensi ngawi id siriba komontirian ku mamaso om tumilombus papanau ababayan diti montok mongunsub kotonudan sukod wagu kiumur id pialatan 18 gisom 40 toun montok mimparagat id kaganaan pongindopuan pomutanaman om kaanu pandapatan monikid tulan RM3,000 gisom RM8,000.

“Soginumu 47 tulun mongusaha ilo nopo nga tinimungan sukod wagu nakaampai nogi id suang pongusahaan TPKM Tawau ih nokotimpuun toun 2010 om TPKM Sungai Koyah om Kinabatangan iih nokotimpuun toun diti,” ka disio.

Minoboros isido miagal dilo soira minonimbar ponguhatan Puru Walai Koundangan Pogun (ADUN) Pantai Manis ih minuhot do nunu impohon do porinta mantad kotonudan “agropreneur” komulakan id siktor pomutanaman. – SayangSabah

Apa Komen dan Pendapat Anda

Artikel Berkaitan