Sayang Sabah Facebook

Likes
Sayang Sabah Twitter

11,695

Followers

Sayang Sabah - Portal Berita Negeri Kita

Kotinanan Tarian Naga, Unikorn om Singa Sabah paanjur pialaan Tarian Singa

10:47pm 10/04/2016 Maryann 5 views Abal Kinoyonon,Kinoyonon,Kota Kinabalu

sayangsabah-lion-dance-600x411
KOTA KINABALU: Kotinanan Tarian Naga, Unikorn & Singa Sabah pikikiro papaharo pialaan tarian singa montok tinimungan tarian singa id pogun diti kosuang Wilayah Pisompuruan Labuan.

Porosidin Kotinanan dilo, Dr. Danny Kok minoboros do pialaan dilo kituduan montok poingkawas kualiti toinsanann tinimungan tarian singa ih haro poimpuli pogun mooi kaanu yolo poingkawas komilaan.

Ka disio, pialaan dilo binahagi duo nayatan ilo nopo nga ‘1st Stop League’ om ‘Final League’ om papanahon id kinoyonon mogisuai-suai id pogun diti.

Sabap dilo ih kalantoi tontuon tumanud ginumu markah toinsanan ih naanu mantad koduo-duo nayatan dilo.

Suai koi lo, ‘1st Stop League’ pohoroon ontok tadau ko-11 tulan Koonom toun diti id Dewan Masyarakat Menggatal.

Yuran kotonudan montok toiso-iso tinimungan nopo nga RM200 om isai-isai orohian tumanud pialaan dilo mositi rumijistor pogulu orikot tadau ko-28 tulan Kolimo toun diti.

Tukad koiso karamit tutungkap tusin soginumu RM3,000, piala om midol (montok toiso-iso pamain) om sijil kotonudan.

Tukad koduo om kotolu karamit tutungkap tusin RM2,000 om RM1,000, trofi, midol om sijil kotonudan. – SayangSabah

Apa Komen dan Pendapat Anda

Artikel Berkaitan