Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kotinanan Silat nunsub mangalap lobi gumu komulakan tumanud

SILAT
KOTA KINABALU: Pialaan Pencak Silat Sabah om Naalap Sompomogunan 2016 ih pinaharo id longkod momoli boli 1Borneo minopokito soginumu 225 tulun tutumanud mantad 13 tiim.

Mantad ginumu tiim dilo, onom mantad Sabah, limo tiim naalap kabansaan om duo tiim naalap sompomogunan mantad Indonesia.

Montiri Komulakan om Sipoot Sabah Datuk Hj. Tawfiq Abu Bakar Titingan minoboros do kopoonjuran pialaan dilo nakaanu minopoingkawas ngaran do seni Pencak Silat ih ponogi iso tinungkusan di agayo gatang.

“Pokionuon ku toinsanan kotinanan silat ih haro mooi mamanau om miamung miampai popointutun do sipoot diti om nogi mamagayat lobi ogumu kotonudan mantad komulakan mogisuai-suai tinaru,” ka disio.

Minoboros isido miagal dilo soira minopotimpuun pialaan dilo. Minongob isido di Luguan Montiri Sabah Datuk Seri Panglima Musa Hj. Aman.

Tumanud di Tawfiq, porinta pogun tumilombus papanau transformasi kotundaan sipoot kopiagal dilo teras strategik kinalantaian sipoot id siriba ‘Blueprint Kotundaan Sipoot PogunSabah 2014-2030’ montok poingkawas kalantaian pomorunan sipoot pogun. – Dii Leolerry Lajius/Sayang Sabah

Komen


Berita Berkaitan