Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kotinanan komulakan nunsub monuridong komuniti bomba

Nordin Pauzi (gibang) papatahan pomisok tapui kumaa di Datuk Tawfiq Abu Bakar Titingan id ababayan dilo. - foto Masani Sandan
Nordin Pauzi (gibang) papatahan pomisok tapui kumaa di Datuk Tawfiq Abu Bakar Titingan id ababayan dilo. – foto Masani Sandan

TAWAU – Kotinanan komulakan pogun diti nunsub do monuridong tinimungan bomba komuniti id kinoyonon diolo montok monguhup monoibau kiis tokoro kotutudan.
Montiri Komulakan om Sipoot Pogun Datuk Tawfiq Abu Bakar Titingan mokianu kumaa tupisor komulakan om sipoot pogun diti do maganu laang di oporokis mongunsub kotinanan komulakan do monuridong tinimungan bomba komuniti id kinoyonon diolo.
“Sokiro haro tinimungan bomba komuniti, kinasaraban tongokoro aanu momisok,” ka disio soira minanahak boboroson id ababayan kotimpuunan Kempen Kesedaran Keselamatan Kebakaran om Jalan Raya kopihondot Musim Karamaian Toun Wagu Sina 2015 nayatan Koupisan Bomba om Manampasi Malaysia (JBPM) Sabah id Stesen Minyak Petronas Batu 2, Jalan Apas, hiti di konihab.
Tawfiq ih ponogi Puru Walai Koundangan Pogun (ADUN) Apas, minoboros do tinimungan komulakan apatut kasasari sumodia om monguhup do Rukun Tetangga tumoguang nunu nopo kobolihangkangan id kinoyonon diolo.
Daamot dilo Potunud JBPM Sabah Nordin Pauzi minamaramit tosonong pononsunudan montok monguhup do puru dau lolobi kopio id kinoyonon di kirisiko takawas aantakan kotutudan. – Dii Masani Sandan / SayangSabah

Komen


Berita Berkaitan