Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Kosuul potoluod do raha

DERMA DARAH
KENINGAU: Kopurimanan tulun ginumuan kosuul potoluod do raha montok diolo di momorlu raha apatut poingkawason.

Boyoon Pulis Watas Keningau Deputi Supritendan Polis (DSP) Douglas Nyeging Taong minoboros do kowowoyoon orohian potoluod do raha id toiso-iso tinimungan mogigion miampai amu monutun tinaru om ugama apatut potilombuson.

Ka disio, raha nopo nga kosuul montok gunoon do walai pongubatan id timpu-timpu lolobi montok pongusapan susumakit di momorlu pomoruhangan do raha.

“Sokiro aiso kopurimanan tulun ginumuan kosuul kopio potoluod do raha, tantu kotoguang o puru walai pongubatan kobolihangkangan okurian do pinoopi raha montok manampung koporluan lolobi montok susumakit kitoruol Thallasemia,” ka disio.

Minoboros isido miagal dilo soira minopotimpuun ababayan Kimpin Potoluod Raha Perdana pinaanjur miampai Unit Pongubatan Transfusi Darah Walai Pongubatan Keningau, Tupis Watas Keningau, Kotinanan Potoluod Raha Pononsokid Sabah om UPPM N.34 Liawan id Dewan Arked do hiti di konihab. – Dii Kalawon Sawing/Sayangsabah

Komen


Berita Berkaitan