Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Korita pinanakau miampai tanak id suang, natampasi

3:19pm 16/01/2016 Maryann 1 views Abal Kinoyonon,Berita Pilihan,Jenayah,Kinoyonon,Kota Kinabalu

kanak-kanak
KOTA KINABALU: Duo tanak poinsuang id korita ih tinongkiadan di tama diolo soira sinoliwan daamot minooi tusin id ATM pikikiro jaam 6.15 kosuabon konihab natampasi.

Molohing di tanak dilo ih sinoliwan mantad bank nokopuriman natagak ih korita miampai tanak dau id suang korita om tuturus minooi pomonsoi ruputan id Balai Polis Kota Kinabalu.

Tumanud Boyoon Pulis ACP M.Chandra, ih molohing dilo minopoiliu korita dau id toguang Standard Chatered Bank, Kota Kinabalu Lama om sinoliwan daamot minooi paganu tusin id ATM.

Mamaso sinoliwan, niduanan di tama o duo tanak tondu dau kiumur 8 om 5 toun id suang do korita id kowowoyoon amu kinunsian ih korita om injin nga poimpasang.

“Pikikiro jaam 6.45 kosuabon, nokito o korita om tanak dilo tinongkiadan poimpaking id lot tolikud Klinik Malaysia, Jalan Gaya, Kota Kinabalu, om koduo-duo di tanak id kowowoyoon natampasi.

“Mantad ponoriukan tosopung, korita id kowowoyoon poinsonong,” ka disio.

Tulun ginumuan pinosorou mooi amu poiliu korita diolo mamaso poimpasang o injin om amu nokunsian om kada tongkiadai tanak id suang korita miampai aiso mintong. – Dii Leolerry Lajius/Sayang Sabah.

Apa Komen dan Pendapat Anda

Artikel Berkaitan