Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Koputusan SPM id Sabah nokoinsiriba

NAKAANU KINALANTAIAN TOSONONG SPM 2014… Potunud Balajaran Pogun Sabah, Datuk Jame Alip guminambar miampai toinsanan susumikul ih nakaanu kinapaasan tosonong id SPM 2014. - Foto ALEX MAIRIN / Sayangsabah
NAKAANU KINALANTAIAN TOSONONG SPM 2014… Potunud Balajaran Pogun Sabah, Datuk Jame Alip guminambar miampai toinsanan susumikul ih nakaanu kinapaasan tosonong id SPM 2014. – Foto ALEX MAIRIN / Sayangsabah

KOTA KINABALU – Ginumu minaganu Sijil Pelajaran Malaysia (SPM) 2014 id Sabah i nakalantoi id toinsanan mato balajaran nopo nga nokoinsiriba soginumu 216 minaganu sokiro piagalon 376 tulun di toun 2013.

Ih nakapaas toinsanan mato balajaran toun nakatalib soginumu 13,030 tulun piagalon 13,849 tulun pogulu dilo.

Potunud Balajaran Pogun Sabah Datuk Jame Alip minoboros do mantad pongintaban toinsanan, kinaangayan id SPM 2014 nopo nga nokoinsiriba sokiro piagalon toun 2013.

“Mulong do ingkaa, pihatus ginumu minaganu panaasan i kopotutan kaanu sijil id suang panaasan SPM pogun Sabah montok toun 2014 pinopokito kinoinsawaton kiginumu 0.7 pihatus ilo nopo nga
87.19% (2013) kumaa 87.89% toun 2014,” ka disio.

Minoboros isido miagal dilo soira minopoumum kinapaasan SPM id Wisma Pendidikan, Likas, hiti.

Ka disio, sikul di nakaanu Sikul Xemerlang SPM 2014 nopo nga SM Sains Kota Kinabalu, SM Lahad Datu, SM St Michael, Penampang, SMK Agama Inanam, SMK Agama Kota Kinabalu, SMU Islamiah Tawau, SMK Kunak, SMK St John Tuaran, SM All Saint Likas om SMK Perempuan Sandakan.

Daamot dilo 10 minirikau nakalantoi SPM 2014 id pogun diti nopo nga Tan Wei Shan susumikul mantad SM Lok Yuk Kota (10A+, 1A), Idayu Mumtaz Iskandar mantad SM Maktab Sabah (9A+, 2A), Suren Vynn Chander (SM St Joseph Papar 9A+, 1A, 1A-); Nur Alib Hariyono (SMK Langkon Kota Marudu) 9A+, 1A, 1A-; Ellen Chai Voon Kah (SMK Sung Siew Sandakan) 9A+, 1A, 1A- ;

Janice Kwan Kah Weng (SMK Sung Siew Sandakan) 9A+, 1A, 1A- ; Noor Izzati Ambok Chening (SMK Agama Kota Kinabalu) 9A+, 1A, 1A- ; Muhd Ilham Fuad Awang Mohammad (SMK Matunggung Kudat) 9A+, 1A ; Allysa Loo Zainai (SM Lok Yuk Kota Kinabalu) 9A+, 1A- om Fatimah Matlin mantad SM Sains Lahad Datu nakaanu 9A+. – Dii NUZIR ANDI SAMSIAR / Sayangsabah

Komen


Berita Berkaitan