Sayang Sabah Facebook

Likes
Sayang Sabah Twitter

11,747

Followers

Sayang Sabah - Portal Berita Negeri Kita

Kopurimanan karait kopotutan karaja sosial kiguno kopio

11:53am 17/03/2016 Maryann 2 views Abal Kinoyonon,Berita Pilihan,Kinoyonon,Kota Kinabalu

kerja sosial
KOTA KINABALU: Kopurimanan kumaa kopotutan karaja sosial kiguno kopio mooi mogigion kaanu mamarati tonggungan om guno pakarajaan dilo, ka di Kumoduo Naib Canselor (Ahal Susumikul & Alumni) Univositi Malaysia Sabah (UMS), Prof Madya Dr Ismail Ali.

Minoboros isido do karaja sosial nopo nga iso karaja popohompit kotoinaan di manahak pongintangan montok manalasai kobolihangkangan, popoinsawat guno sosial om mongunsub naangayan ningkokoton koposion kikualiti montok misosongulun, paganakan, tinimungan, miampai komuniti.

“Karaja sosial kiguno kopio id suang manahak kotorinaan karaja id kiningkokoton toilaan karaja sosial, haraga om rikoton karaja sosial, etika karaja om intervensi.

“Saasabap no dino koponorimaan toi ko tadau pamagatangan miagal diti nopo nga kiguno montok mamagatang karaja om koubasanan ngawi di wonsoion do pakaraja sosial id pototongkop pomogunan om lolobi no kopio kumaa pakaraja sosial miampai mahasiswa karaja sosial id UMS,” ka disido.

Minoboros isido miagal dilo id boboroson kopotimpuunan Karamaian Tadau Karaja Sosial Sompomogunan 2016 Nayatan Pogun Sabah id UMS, do hiti di konihab.

Boboroson disio pinolombus di Kumoduo Dekan, Balajaran om Ahal Susumikul, Fakulti Psikologi om Balajaran, Prof. Madya Dr. Mohd Dahlan Ab. Malek.

Minoboros ih Ismail Ali, poompus ababayan diloo, mogisuai suai ababayan noulud kaampai noh piomungan toilaan, ababayan manakadai raha, car boot sale, pokitanan mantad agensi om koisaan okon porinta miampai ababayan miampai tanak aiso molohing.

“Ababayan diti nopo nga iso karalanon tosonong montok popogirot silaturahim id pialatan pakaraja sosial, pensyarah om mahasiswa karaja sosial id UMS,” ka disido. – SayangSabah

Apa Komen dan Pendapat Anda

Artikel Berkaitan